Annos multos erant Graeci milites ante muros Troiae. Troiani saepe ex oppido veniebant; proelia multa et aequa in campo faciebant. Tandem Graeci, longo bello fessi, de victoria desperabant.  Sed Ulixes, vir magnae sapientiae virtutisque, dolo Troiam cepit. Ulixis consilio Graeci magnum equum, donum Minervae, in campo fecerunt et multos ex ducibus principibusque cum Ulixe in corpus equi posuerunt.